A e dini sa paguhet prezantuesi i çmimeve Oscar? Nuk është ashtu siç mendoni…

00:53 | 27 Shkurt 2017
Trina Galanxhi

Për moderatorin e njohur të Jimmy Kimmel Live! është hera e parë që ai prezanton çmimet Oscar, një ceremoni nga e cila ka sytë gjithë bota.

Popullariteti i këtij eventi e ka bërë prezantuesin të pranojë të jetë pjesë e tij edhe për një pagë “qeshakare”.

Jimmy Kimmel, i ftuar në emisionin “KROQ’s Kevin & Bean” të mërkurën tregoi se do të paguhet me 15.000 mijë dollarë për moderimin e ceremonisë së 89-të të çmimeve Oscar që do të mbahet në Dolby Theatre agimin e ditës së nesërme.

Ndërkohë që shuma është qesharake për një event të tillë, Kimmel ka treguar se u ka kërkuar producentëve të mos e paguajnë fare. “Mendoj se është e paligjshme të mos më paguar fare”, ka thënë ai duke qeshur dhe në vazhdim: “Nuk e di nëse duhet ta kisha thënë këtë, por askush nuk më tha të mos e bëj, ndaj është faji i tyre”.